Skip to Content

howto open .docx files on OoO ---- إزاى تفتح ملفات ال WORD2007 على ال Open office.Org

Nero's picture

إزاى تفتح ملفات .docx بتاعت ال WORD 2007 على OPenoffice.Org طبعا بما إن شركة ميكروسوفت بدأت بتطبيق معيارها المختل اللى إسمه OOxml وتغير نوعية ملفات الورد من ملفات binary إلى ملفات XML فالأوبن أوفيس معدش بيعرف يفتح المفات التعبانة دى عموما فى طريقة سهلة وبسيطة علشان تقدر تحول إمتداد ملفات ال .docx إلى ملفات .odt علشان تقدر تفتحها وتعدلها على الأوبن أوفيس الشرح عموما مبنى على الفيدورا لأنى معنديش أوبنتو لكن نس الخطوات هتطبقها على الأبونتو

شركة نوفل Novell نزلت باكيدج rpm بيعمل تحويل للملفات دى لكن الباكيدج ال rpm ده خاصة فقط بال suse and open suse طبعا علشان إختلاف مسارات وجود البرامج والحجات دى مش هيفع نستخدم الباكيدج ونركبه على التوزيعات التانية المهم فى طريقة طويله علشان تنزل الباكيدج ال rpm بتاع نوفيل وتفك الباكيدج ال rpm وتخرج منه ملف التحويل ودى شغلانه خصوصا لأنى معرفش نظام أبونتو فى الموضوع ده إيه وكمان علشان منعقدش الأمور المهم انا عملت الشغلانة دى وجبت الملف اللى عايزينه ورفعته حالا كل اللى عليك إنك تطبق الخطوات البسيطة اللى جاية دى وكل حاجة هتبقى تمام

وعلشان ما نطولش فى الشرح وتتوه مننا هما 4 طوات هنعملهم

  1. Download
  2. Extract
  3. Copy
  4. Execute

1- Download التحميل

نزل الملف المضغوط اللى موجود هنا

Download تحميل

2- Extract فك الضغط

فك الضغط عن الملف بالبرنامج اللى يريحك سواء من ع الواجهه أو سطر الاوامر من سطر الأوامر على إفتراض إنك نزلت الملف على الديسكتوب

cd ~/Desktop

tar xzf OdfConverter.tar.gz

3- Copy نسخ الملف للمسار الصحيح

على فرض إنك نزلت الملف المضغوط على الديسكتوب وإنك فكيته على الديسكتوب إكتب فى التريمنال التالى

cp ~/Desktop/OdfConverter /usr/bin

4- Execute تشغيل البرنامج وبدأ التحويل

لنفرض إن عندنا ملف odx إسمه Nero.docx وعايزين نحوله لملف Nero.odt علشان نقراه ونعدل فيه بفرض إن الملف موجود فى مجلد الهوم هنكتب التالى فى سطر الأوامر

OdfConvert /i /home/nero/Nero.docx

وبكده هيتحول الملف اللى إسمه Nero.docx إلى ملف إسمه Nero.odt وهيكون موجود فى نفس المكان وتعمل الحكاية دى مع كل ملفاتك

إنتهى :)

وبعدين إفتح الملف اللى طلع فى الأوبن أوفيس وإشتغل فيه عادى جدا :)



Dr. Radut | book